OʻZBEK BOBO

Oʻzbek adabiyotining yirik namoyandasi, ulugʻ adib Shukur Xolmirzayevning asarlarini oʻqimagan oʻzbek oʻquvchisini topish qiyin. Betakror hikoyalari, jozibador qissalari, yuksak saviyali romanlari allaqachon oʻzbek adabiyotining nodir javohirlariga aylangan. Yozuvchi bir umr oʻzbek xalqining xarakterini, yashash tarzini, qiyofasini tasvirlab, koʻrsatib ijod qildi. Badiiy solnoma yaratgan Shukur Xolmirzayev hayoti va ijodini tizimli tahlil qilish adib ijodining oʻziga xos tomonlarini hamda milliy maʼnaviyatimizga qoʻshgan ulkan hissasini toʻliq belgilash imkonini beradi.