GʻAYRIIXTIYORIY ONG MOʻJIZALARI

Ushbu toʻplamda insonning ichki imkoniyatlarini ishga solish, harakatlantirish borasida Jon Kexoning tavsiyalari berilgan. Botiniy quvvatni ishga solib, qatʼiyat bilan olgʻa borgan va ulkan natijalarga erishgan insonlar hayotidan namunalar keltirilgan. Unda ong bogʻga oʻxshatilib, parvarish talab qilinadigan aʼzo ekani aytiladi. «Pomidor koʻchatidan faqat pomidor koʻchati unadi. Gul urugʻi faqat gul boʻla oladi. Ularning imkoniyati cheklangan, lekin insonning imkoniyati chegarasizdir. Miyangizga qanday urugʻ eksangiz, u unib chiqadi. Shunday ekan, unga faqat yaxshilik urugʻlarini eking», deydi muallif. Shu kabi fikr-mulohazalari bilan ushbu toʻplam oʻz muxlislarini topadi, degan umiddamiz.