BAHORDAN BIR KUN OLDIN

Ko‘lingizdagi kitobda shoir Xurshid Davronning yaqin o‘tmishning achchiq sahifalariga bag‘ishlangan sheʼrlari jamlandi. Bu sheʼrlarning aksariyati Sobiq sho‘rolar tuzumi davrida xukmron bo‘lgan nohaqlik, insoniy qadriyatlarning boy berilishiga, inson tuyg‘ulariga, ezgulik va insonnig haq-huquqlariga nisbatan yuritilgan zug‘umkor siyosatga qarshi uyg‘ongan his-tuyg‘ular bilan yo‘g‘rilgan. O‘zbekiston mustaqilligining olti yilligiga bag‘ishlanib nashr etilayotgan ushbu kitob istibdod davri jarohatlari va qatag‘onlarini unutmaslikka daʼvat qiladi. Zero, moziy saboqlarini unutgan, o‘tmish fojialaridan to‘g‘ri xulosa chiqara olmagan olomon yana bir karra o‘sha fojialarga duchor bo‘lishi muqarrardir.